حوار مع السعاده

قضيت حياتي أدور .. فين ألاقيهــــــــــا ؟

و روحي هايمة مع العشــــاق تناديهـــا

و العقل تايه .. وكم تاهت عقول فيهـــــا

أحترت في ســــرها .. ايه يا تري هي ؟

و فضلت أبحث في معانيهـــــــا

و في ليلة و الفجر في مهده هينـــــور ..

و العين ضناها الســــهر و الفكر متحير

سمعت صوتها مع اللي للعلا كبــــــــــر

و لقيتها جنبي بتحكي لي .. و تسمع لي

و أرتد عقلي اللي تــــــــــاه في تفكيري

فكرت في المال قالت لي: دا زوال و عذاب

فكرت في الشهرة .. قالت لي : دا هوان و سراب

قلت لها في الجاه قالت لي : مظهر كداب

قلت لها فين يا ســـــــــــــــعادة الاقيكي ؟

قالت لي : أنا جوه قلبك ما في بينا حجاب

أنا الإيمان للنفس أقوي أســــــــــــاس

أنا القناعة اللي بيها يحلي مر الكاس

أنا الأمل و الثقة و الود و الإينـــــاس

أنا إبتسامة في قلوب راضية و بتكافح

أنا رضــــا الضمير عنك و حب الناس

كلمات رقيقه وجميله
بارك الله فيك