كل ما تحب أن تعرف عن البروسيسور Amd

بسم الله الرحمن الرحيم
أخوانى الأعزاء أعضاء المنتدى
لقد قرأت تساؤلات كثيرة عن موضوع البروسيسور ال AMD وناس كتير بتسأل وحيرانه فى النقطة دى هل النوع دا جيد ولا فيه مشاكل فحبيت انى اعمل موضوع خاص بالنقاش عن هذا البروسيسور:

أولا :
من تجاربى الكثيرة فى استخدام هذا البروسيسور أحب أطمنكم ان النوع دا ممتاز فى الوقت الحالى هو يجوز كان زمان عليه بعض التحفظات بسبب السخونة الشديدة ودا كان بيرجع لسببين وهما :
- السرعة الفائقة لهذا البروسيسور
- الشئ الثانى عدم كفاية مكونات التبريد فى الأجهزة فى الوقت السابق
ثانيا :
الأنواع المتوفرة حالياً وخضائص كل نوع :
طبعاً زى ما كلنا عارفين ان البروسيسور هى وحدة الحساب المشتركة لكل العمليات التى يجريها الحاسب الآلى أثناء الأستخدام سواء للألعاب وهى موضوعنا أو الأستخدامات الأخرى
ومن المعالجات (البروسيسو) مايعمل بتقنية 16 Bit وهى التى كان يعمل بها الدوس و ويندوز 3.11 و NT
و 32 Bits وهى المتوافرة الآن ويعمل بها أنظمة ويندوز 95 و 98 و NT4 و 2000 و XP و 2003 من ميكروسفت وأنظمة أخرى لأجهزة الحاسب الشخصى مثل Linux و Salaries

و 64 Bits وهو ما يعمل على الأنظمة ال 32Bits والأنظة الحديثة بتقنية 64 Bits مثل Windows Vista Edition و Windows XP 64Bits Edition ودى طبعاً أحدث أنظمة حالية من ميكروسوفت ومن الأنظمة الأخرى Linux EE و Salaries 64bit

أما عن الأنواع المتوفرة فهى كالتالى :
شركة AMD تصدر خلال العام انواع واختيارات عديدة للمستخدمين سوف نرتبها
- أصدارات للمستخدم العادى للإستخدام المكتبى والفيديو والأغانى والبرامج الحسابية
وهى AMD Duron و AMD Sempron وال Sempron هى أحدث الاصدارات للمستخدم العادى وتدعم تقنية 32 Bits وهذا النوع يتميز بكفاءة جيدة فى إدارة البرامج المكتبية ولكن له Cache Memory قليل وهى ما يعادل إصدار Celeron من Intel
- إصدارت للمستخدم المحترف ( ألعاب متقدمة – برمجة – برامج هندسية وسوم تقنية )
وهى AMD Athlon XP و AMD Athlon 64 و AMD Opetron وطبعا واضح من أسم ال Athlon 64 انه يدعم تقنية ال 64 Bits وبالتالى يدعم أنظمة التشغيل الحديثة السابق ذكرها
وتتميز هذه الأصدارت بالكفاءة والسرعات العالية وهى ما يعادل Pentium 4 من Intel

ثالثاُ : وهى أهم نقطة
ان كثير من الناس تشترى هذا النوع وتجد انهم يقولون ان البروسيسور سرعته طلعت غير اللى مكتوب عليه أحب أوضح هذه النقطة :
وهى ان طبعاً شركة AMD هى شركة عملاقة فى المنافسة مع شركة Intel ولكن بالتقنيات الحديثة التى توصلت إليها الشركة فوضعت تقنيه حديثة تعمل على زيادة سرعة البروسيسور عند الحاجة فتصل بذلك إلى أفضل أداء للجهاز بدون درجات عالية للحرارة ووضعت أقصى ما يمكن أن يصل إليه البروسيسور من سرعة كإسم تجارى له فمثلاً :

AMD Athlon 64 3200+ تكون سرعتى 2000 MHz وهو مايعادل Intel P4 3.2 GHz مع الفارق فى تقنية 64 Bit وأقصى سرعة يسمح لاستخدام البروسيور لها وهى 3200 MHZ أو 3.2 GHZ

أما عند شرائك لهذا النوه من البروسيسور يجب أن تعرف بعض المعلومات وهى :
1- نواة صنع البروسيسور أو ال Core
2- تقنية التصنيع والمرتبطة بعدد الأرجل التى يركب عليها البروسيسور و تقنية Hyper Transport
3- اللوحة الأم المتوافقة معه ال Motherboardوسوف نقوم بشرح كل نقطة بالتفصيل :

1- تقوم شركة AMD بوضع نواة تصنيع للمعالجات حسب اكتشاف التقنيات الحديثة بالترتيب فمثلاً البروسيسور AMD 64 3000+ يوجد منه النواع التالية NewCastle و Wenchester و Clawhammer وهذا الأسماء ما يطلق عليه نواة التصنيع وهى تختلف فى طريقة التصنيع بالميكرون وطبعاً كل ما كانت أحدث كانت أفضل فى السرعة ودرجة الحرارة أقل وفى هذا المثال مثلأ أحدث Core وهو Veneice Core و هذه التقنية .09 ميكرون طبعاً أسرع ودرجة حرارتها أقل والمستوي الثانى للذاكرة المخبأة ال L2 Cache بيكون 1 MB cache memory

2- كما ترتبط تقنية نواة التصنيع بعدد الأرجل التى يركب عليه البروسيسور فمثلاً المعالج ال AMD 64 3000+ يوجد منه 754 Pin و 939 Pin وطبعا كلما زاد عدد الأرجل هو الأحدث فتخيل ان كل رجل من هذه الأرجل تتنتقل من خلالها العمليات الحسابية فكلما كانت أكثر زادت من كفاءة المعالج فى النقل خلال أجزاء الحاسب والذاكرة
طبعاً انا كنت ذكرت تقنية اسمها Hyper Transport و هاشرح معناها الآن :
هذه التقنية عبارة عن متحكم آلى مصنوع داخليا فى المعالج الAMD يجعله ينقل العمليات بطريقة مع الرامات أو الذاكرة بسرعة تصل فى بعض الانواع ل 6.4 GB/S وفى الانواع الحديثة مثل 4000+ إلى 8GB/s وبايتخدام نظام الترتيب للرامات ثنائي القناه Dual channel

3- طبعا ببساطة من الكلام السابق لازم تتدور على لوحة أم متوافقة مع المعالج فلو كان 754 Pin أو 939 هتشوف اللوحة الأم المناسبة وطبعاً فى منها Dual Channel وفى اللى مفهاش وفى منها حسب كارت الفيجا اللى هتشترية إذا كان AGP 8X ولا PCIX وطبعا دا موجود ودا موجود حسب الكارت اللى عندك وطبعاً هتاخد بالك وانت بشترى ال Chipset الموجودة على البوردة نوعها ايه طبعاً عتقولى فى البورد الإنتل 865 , 876 , 915 إلخ بردو فى AMD فى Nvidia Chipset و Via Chipset و ATI Chipset
وطبعاً أفضلهم فى السرعة Nvidia Chipset بس طبعاً فى منها إصدارات كتير حسب سرعة المعالج اللى هتشتريه واسمها التجارى Nforce وفى منه أربع إصدارات حت الآن المتوفر Nforce 3 250G وNforce 3 Ultra و Nforce 4 , SLI وطبعاً حسب كارت الفيجا انت بتختار لو AGP يبقى مقداماكش غير Nforce 3 ولو PCIX يبقى فى أنواع كتير من Nforce 4 أو ATI Crossfire

وطبعاً وانت بتشترى المعالج لازم تسأل عن ال Core وهو بيبان طبعاً بأى برنامج لو كان عندك المعالج دا أصلاً زر برنامج CPU-Z هيكشفلك كل المعلومات عن المعالج

وطبعاً عاوز أعرف المستخدمين الجدد أن المعالج دا ممتاز عن تجارب شخصية من أول AMD 1000 Mhz وحت الآن هو معالج ممتاز ودا رأى عالمى للمستخدمين المحترفين وخصوصا فى عالم الألعاب المتقدمة هو محقق كفاءه عالية لأن فيه هذه التقنية الحديثة ال 64bit وطبعاً محتفظ بالتقنيات القديمة زى 3DNow وMMX2 و S*** وهى مفيدة جدا لمجال الألعاب المجسمة والمالتيميد يا
وطبعا لو حد عنده أى استفسار عن الموضوع دا هاكون فى غاية السعادة إنى أرد عليه
ويارب أكون قد وفقت فى توصيل المعلومه اللى كنت عاوز اوصلها.

منقول للإفاده