اختبار ذكاء......مفيناش من زعل

اختبار ذكاء

بسيط جدا وصغير اربع اسئله بس

هيديك درجه زكائك بالمللي

الشروط:

1- اجاباتك لازم تكون تلقائيه وفوريه بدون تفكير واخرك عشر ثواني لاجابه كل سؤال

2- ممنوع اسنخدام الاله الحاسبه ولا ورقه ولا قلم بالدماغ بس

3- كل سؤال عليه 25% ( يبقو الاربعه 100% ) فاهم ولا ايه احنا لسه مابدئناش!!!!

4- الاجابات الصحيحه هتعرفها في الاخر ... بس ماتروحش تبص عليها من دلوقتي شوف مستوي ذكائك الأول ....

وبعدين مايهمكش ماحدش شايفك........

جاهز؟؟؟؟؟؟؟؟؟؟؟

السؤال الاول:

انت دلوقتي مشارك في سباق للجري واجتزت المتسابق التاني يبقي انت ترتيبك بقي الكام؟؟؟؟

بتقول ايه؟؟؟ الاولاني؟؟؟؟؟؟

غلط يا معلم بس مايهمكش ده مش معناه انك غبي.... يمكن تكون مافطرتش كويس ولا حاجه او لسه مادخلتش في المود

عموما معلش قدامك لسه تلت فرص

ركز بقي يا حاج..........

ألسؤال التاني:

دلوقتي انت اجتزت المتسابق الاخير يبقي ترتبك بقي الكام.....

بسرعه اخلص جاوب......

اللي قبل الاخير؟؟؟؟؟؟؟؟؟؟؟

غلط برضو...........

وانت كده مفيش قدامك فرصه انك تبقي ذكي... لكن لسه مابقتش غبي

اظبط نفسك بقي وحاول تجاوب اللتنين الجاين صح والا بصراحه يبقي.....

السؤال التالت:

عمليه حسابيه بسيطه

وهفكرك... لا تستخدم اله حاسبه ولا ورقه وقلم مش هتبقي غبي وكمان حرامي...............

معاك 1000 نقطة اجمع عليها 40 نقطة واجمع عليها 1000 نقطة
واجمع عليهم 30 نقطة و 1000 نقطة و 20 نقطة
واجمع عليهم 1000 نقطة و10 نقط
كم المجموع دلوقتي............. بسرعه ؟؟؟

لاااااااااااااااااااااااا

دانت ضايع بجد......

5000 ؟؟؟؟؟؟؟؟............... غلط غلط

ههههههههه يعني ......

انت كده لحد دلوقتي تصنيفكك غبي قوي.....

بس مش قوي قوي يعني لسه قدامك اخر سؤال

وبصراحه طالما ولا سؤال من اللي فاتو جاوبتو صح يبقي مش هتجاوب اللي جاي برضو.....

عموما اهوه السؤال الرابع والاخير:

ابو ماري عنده خمس بنات

1- سانا

2- شانا

3- صانا

4- ضانا

5-...........؟

فكر بسرعه ايه اسم البنت الخامسه؟؟؟؟؟؟؟؟؟

طانا ؟؟؟!! ههههههههههههههه غلط

الاجابات الصحيحه اهيه مع اني عارفه انك حتي ديه مش هتفهما ولا انا فاهماها ههههههههههههه
بس يالا........

1- عديت المتسابق التاني يبقي انت خدت مكانه وانت بقيت التاني برضو مش الاول يا ابو الذكاء

2- هوا المتسابق الاخير في حد وراه عشان يجتازو يا حلو.....

3- حتي الحساب بتاع ابتدائي !!!!!!!!!!

المجموع 4100 مش 5000

وهترجع تتلامض تاني احسبها بالاله واتاكد بنفسك

4- بقولك ابو ماري يبقي البت الخامسه اسمها ماري..... مش محتاجه زكاء يعني يا......

ملحوظه: احمد ربنا انك لاقي شغلانه بتاكل منها عيش برغم مستوي الدماغ ده

علي فكره انا الحمد لله خلصت كل الاسئلة دي من غير ما اشوف الاجابات وكانت صح
انا اتطمنت علي نفسي
تحياتي

مبروك استاذ درش ...انت فعلا ذكي وده شيء طبيعي وحتمي بصرف النظر عن القرابه فيكفي انك بولاقي وده معناه الذكاء الشديد [ندعوك للتسجيل في المنتدى أو التعريف بنفسك لمعاينة هذه الصورة]

شهاده اعتز بها استاذة مروة
فيكفي انك بولاقي وده معناه العصبية القبلية.
تحياتي [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]