عاوز تعمل صيانه لجهازك عشان يبقي خفيف ولطيف............

انا النهارده حقولكم على شويه حاجات تعملوها كصيانه لجهازكم عشان يبقى خفيف وسهل التعامل معاه

لما تلاقى الجهاز بتاعك بقى بطئ بطئ بطئ......فى النت بطئ ....فى التحميل بطئ ..... فى تسطيب البرامج بطئ....فى فحص الفيروسات بطئ...فى تشغيل الفيديو بطئ...ده حتى فى فتح الجهاز بطئ....!!!!!

طب تعمل ايه ...؟؟؟

الاول عاوزه اديكم خلفيه كده عن اسباب بطئ جهاز الكمبيوتر عموما

1- الجهاز بتاعك عاوز صيانه

2- البرامج الى بتتحمل اتوماتيك مع بدايه التشغيل

3- بطئ تصفح النت

4- زحمة الملفات والبرامج فى الذاكره

5- وجود فيروسات

تعالوا بقى واحده واحده كده نحل كل مشكله على حده مع بعض باذن الله

1- صيانه الجهاز

اوعوا تكونوا مفكرين انى اقصد بصيانه الجهاز انك تاخده لمركز صيانه يشوفهولك...لالالالا

انا اقصد إنك تنزل برنامج صيانه عندك والبرنامج ده وظيفته تنظيف القرص وفحصه وازاله التجزئه فيه

والهدف فى الاخر هو التخفيف على الجهاز عشان سرعته تزيد

والمفروض الصيانه دة تحصل كل اسبوع تقريبا

طب ايه هى بقى البرامج دى...؟؟؟؟ طبعا فى برامج كتيره لتنضيف الاقراص

بس انا شخصيا بستعمل برنامج

اسمه super cleaner

وده رابط التحميل بتاعه اهو

[ندعوك للتسجيل في المنتدى أو التعريف بنفسك لمعاينة هذا الرابط]

البرامج دى بتنضف جهازك وتشيل اى ملفات تالفه او مش مستخدمه اول باول يعنى المفروض برده كل اسبوع كده نعمل اسكان للبرامج دى

وفى حاجه بقى كمان عاوزكم تعملوها معايا وهى اننا نعمل تنظيم للملفات وده هيكون باستخدام defragment يلا كده شوفوا الخطوات معايا

1- نروح ل my computer
2- كليك يمين على القرص سىC
3- نختار properties
4- نختار tools من القايمه ونضغط على defragment now

هتظهرلك عمليه تجميع قدامك وهتلاقى تحت مربعات ملونه اضغط على كلمه defragent سيبه براحته خالص لحد ما العمليه تنتهى وخلى بالك ممكن تاخد وقت طويل جدا لو القرص بتاعك مليان بيانات

العمليه دى المفروض تتعمل كل 3 او 4 ايام تقريبا

العمليه دى مهمه جدا لانها بتنضف الهاردديسك فى كل الملفات المؤقته وملفات الانترنت المؤقته الى بتتقل الجهاز والى مالهاش لازمه اصلا

وكمان العمليه دى بتفحص محتويات الهاردديسك ان كان فيه اخطاء ممكن تصليحها ....ومهمه كمان لازاله التجزئه

وبتحل كمان مشكله ان مع مرور الزمن وتركيب برامج وحذفها بتفضل فراغات كبيره فى الهارد ديسك وازاله التجزئه بتحل المشكله دى وبتساعد على تنظيم الملفات وبالتالى بتسرع جهازك

شوفتوا بقى قد ايه العمليه دى مهمه للجهاز

2- البرامج الى بتتحمل مع بدايه التشغيل

يعنى اول ما بتشغل الكمبيوتر فى برامج بتقبى متحمله وبتظهر فى شريط المهام جمب الساعه تحت وبتضطر تستنى لما كلها تحمل عشان تقدر تتصفح جهازك صح....

اهى البرامج دى بتقلك جهازك وانت مش واخد بالك....طب مااحنا نشيلها احسن من مكانها ده ولما نحتاجها اهى موجوده على الجهاز تقدر تدخلىعليها من start وبعدين programs

تعالوا بقى اقولكم تشيلوها ازاى...؟؟؟؟

طريقه سهله جدا...ادخلى start وبعدين run واكتبى كلمه MSCONFIG وبعدين ok هتفتح مربع اختار منه فوق start up هتلاقى قدامك البرامج بتاعتك الى متحمله فى شريط المهام اعمللها disable all

وبعد كده هيطلب منك ريستارت للجهاز ولما تفتحه هتلاقى البرامج اتمسحت من على الشريط وكله بقى تمام

3- بطئ تصفح النت

خليك ورايا خطوه بخطوه وكلمه بكلمه وانا اقولك ازاى تخلى الانترنت تصفحه سريع وزى الفل

امشى معايا كلمه كلمه اضغط على start وبعدين run وبعدين اكتب كلمه Regedit

المربع الى يفتح عندك دور على كلمه HKEY_LOCAL_MACHINE واضغط عليها والى يفتح عندك دور على كلمه software واضغط عليها والى يفتح عندك دور على كلمه microsoft و اضغط عليها والى يفتح عندك دور على كلمه windows واضغط عليها والى يفتح عندك دور على كلمه current version
واضغط عليها والى يفتح عندك دور على كلمه explorer و اضغط عليها والى يفتح عندك دور على كلمه remote computer واضغط عليها والى يفتح عندك دور على كلمه name space هتلاقى بقى قيمه تحتها زى دى
D6277990-4C6A-11CF-8D87-00AA0060F5BF

اتاكد من القيمه مزبوط وشاور عليها واضغط كليك يمين بالماوس واختار delet عشان تمسحها

وشوف بقى سرعه التصفح بتاعك

4- زحمه الملفات والبرامج على الذاكرة

ازاى بقى تخفى الزحمه دى...؟؟؟

1- اعمل كده لفه سريعه على الجهاز بتاعك فى my computer وشوف ايه الملفات الى انت مش عاوزها واحذفها وخصوصا ملفات الفيديو لانها بتاخد حيز كبير من الذاكره بتاعتك

2- احذف البرامج الى ملهاش لازمه على الجهاز وده بانك تدخل علىcontrol panel من start وتختار add or remove programes هتظهرك كل البرامج الى مسطبها على الجهاز ....البرامج الى مالهاش لازمه علم عليها واضغط على remove وخليك معاها لحد ماتتشال خالص

3- ادخل على المجلد سى C من my computer وادخل على documents and settings وبعدين ادخل على الملف الخاص بيك واختار منه my document وبعدين download افتح بقى كل الايكونات الى عندك هتلاقى البرامج الى انتى محملها على الجهاز قبل كده او اى فيديو او اى صوره او ملف والى مش عاوزه احذفه والى محتاجه اعمله cut فى اى حته تانيه غير ال سى C

4- ادخل على سله المحذوفات اول باول وامسح كل الى فيها..وخلى بالك الى هتمسحه ده مش هتقدر تجبيه تانى

فى نقطه صغيره كمان....ساعات لما تحذف برنامج فى control panel توفجئى ان لسه فى ملفات تخص البرنامج ده على جهازك وعشان تحل المشكله دى ادخل على start وبعدين run واكتب كلمه regedit ولما يظهر المربع الخاص اضغط على F3 واكتبى البرنامج الى لسه ملفاته عندك لحد دلوقتى وكرر F3 كمان عشان تتاكد من الحذف الكامل وخل بالك احذف البرنامج الى انت عاوزه بس اوعى غصبن عنك تشيل اى ملف خاص ببرنامج تانى والا البرنامج ده هيتلف منك على طول

5- وجود الفيروسات

طبعا لازم يكون عندك على الجهاز برنامج لفحص الفيروسات فى طبعا برامج كتير بس انا بحبذ برنامجين
Norton anti virus او Avira anti virus

كل اسبوع كده لازم تعمل فحص للكمبيوتر كله اول باول

وقبل بقى ما اسيبكم لانى حاسه انى صدعتكم عاوزه بس اقول حاجه كده اخيره على الماشى بالنسبه للى بيستخدموا ويندوز XP

فى طريقه كده عشان تحذف بعض الملفات الى تساعدك على تسريع الويندوز XP

والطريقه هى.....
ندخل على start وبعدين run وبعدين نكتب كلمه prefetch وبعدين ok

وامسح بقى كل الملفات الى موجوده قدامك دى ...والعمليه دى المفروض تحصل على الاقل كل شهر عشان تنضف جهازك من اى ملفات مالهاش لزوم وبتتقلك الجهاز على الفاضى

بكده بقى بعد الصيانه الجامده دى للجهاز هتلاقى جهازك منور وفرحان بيك وهتلقيه خفيف و لطيف ودمه مش تقيل

واوعوا بقى بعد الرغى ده كله تنسونى من دعواتكم الحلوه

كدة مش ها نعرف ناكل عيش

[ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيك

اخوانى الاعزاء اعضاء المنتدى الجميل تحية طيبة وبعد
موضوعنا اليوم موضوع تحذيرى بالدرجة الاولى فلقد كثرت المواضيع والبرامج التى
تتناول تسريع النظام بالتخلص من الملفات التى لا حاجة لنا بها والتى تعمل فى الخفاء ومن ضمن هذة الملفات
ملفات ما يسمى بال prefetch
فهل تعلم اخى الكريم ان حذفنا لهذة الملفات لا يعمل على زيادة سرعه الكمبيوتر لديك
بل على العكس من ذلك تماما

إن مجلد البري فتش ليس مجلد كوكز-على الأقل انه ليس
كذلك.هذا المجلد يحتوي على أثار تصف بدقه ترتيب وتتابع عمل البرامج و
الملفات التنفيذية والروابط الحيوية ومعلومات نظام الويندوز
نفسه وتحميلها.الويندوز يستخدم هذه الملفات والمعلومات لكي يبدأ النظام
والبرامج بطريقة أكثر كفاءة.وتستخدم أيضا لمد النظام بمعلومات عند تشغيل
الويندوز أو البرامج.الويندوز يجزا استخدام البرامج من هذه الملفات لكي
ينظم عملهم في مكان محدد في القرص الصلب.(عملية وضع ملفات البري فتش ) لا
تعني أنها تؤدى بلا ضرورة.إنها تعني الترميز بالطريقة الصحيحة.

[ندعوك للتسجيل في المنتدى أو التعريف بنفسك لمعاينة هذه الصورة]

تنظيف مجلد البري فتش لن يزيد أو يحسن أداء النظام.
الحقيقة إن إفراغ مجلد البري فتش سوف يؤدي حقا إلي تبطئ أداء النظام لان
الويندوز يجب علية أن يعيد إنشاء ملفات التتبع في كل مرة تشغل
البرامج.الويندوز ينظف الملفات القديمة بطريقة آلية ويستخدم المعلومات
المتاحة ببساطة كإرشادات له تساعده في تشغيل البرامج بكفاءة.لو انك حذفت
أي برنامج فان ملفات البري فتش الخاصة به تصبح قديمة وسوف يقوم الويندوز
بحذفها آليا خلال أسابيع.

[ندعوك للتسجيل في المنتدى أو التعريف بنفسك لمعاينة هذه الصورة]

ولكم تحياتى
وسلام الله عليكم ورحمته وبركاته
منقول للامانه

[ندعوك للتسجيل في المنتدى أو التعريف بنفسك لمعاينة هذه الصورة]

الف شكر

بارك الله فيكى
وجعله فى ميزان حسناتك

اشكركم علي المرور الجميل والتشجيع

بدون مجامله موضوع رائع
بارك الله فيك
نقول الحق مهما كان
رائع
رائع

اشكرك جدا استاذ احمد
دائما مشجع

» برنامج صيانه عربى
» لو عاوز ربنا يغفر لك ذنوب سنة فاتت و أجبر أكبر تفضل بالدخول